العصرية
...............
ف العصرية والشمس مروحة
الدنيا ساكتة هس هس
بظل شجرة أغصانها مفتحة
كنت وحديا انا وبس
من بعيد جاية بتتمايل
عبير هواها عامل عمايل
اتعدلت بعد ماكنت مايل
جه شايل قلبى طوحه
خدته معاها وهى مروحة
كل ده حصل ليا امس
عدت عليا همست همس
غمزت بعينها شاروت ليا
كأنى حصل ليا مس
عيون عسليه رموشها نعسانه
نايمه على الخد دفيانه
بصت في عينى الدبلانه
ديك النهار أذن صحانا
وقت الأصيل الشمس مروحه
ماشية تتمايل برموشها بتخايل
كل العيون إللى بصالها
بحسنها الهوا راح شايل
طرف فستانها بين محاسنها
اللوم على الهوى وفعلته
قلبها أنكوى من لوعته
ماشية الخجل رامى طرحته
جفنها أنجرح من دمعته
لقت روحها واقفه متنحه
والشمس فى عينها مروحه
.....
بقلم..الشاعر
الأمير _محمود
ليست هناك تعليقات:
إرسال تعليق