وريدك
لما نبضى يكون وريدك
لما قلبى يدق بأيدك
وتكونيلى ياحبيبتى
زهرتى وشبابى ف شيبتى
م الحنين قلبى يزيدك
لما وردى بستان خدودك
لما نور الكون وجودك
لما حبك بحر عابر
بالغرام والحب صابر
والعيون صاروا شهودك
لما سحرك ياسلام
أحتار معاه كل الكلام
زاد ف عشقى وأشتياقى
شهد الهوى للقلب ساقى
ياللى أسمك سحر الغرام
لما.. ولما.. ولما.. ولما..
ياللى حبك نور بعد ضلمه
لما أحكى عن غرامى
السكات يغلب كلامى
وبغرامى ألف كلمه
ولا ف كلمه توصفلى عيدك
لما نبضى يكون وريدك
لما قلبى يدق بأيدك
كلماتى إبراهيم الحداد
ليست هناك تعليقات:
إرسال تعليق