تعظيم سلام
___________
إنسان بسيط في الذكريات
من كُتر هم العيشة مات
مات من سكات
من غير زعيق
مهمهوش صوت الحياة
قلبه إنطوى مليان آهات
آه يا هوى دا العمر فات
قالوا زمان
إن الألام تحضن جراح
جابوا الكلام اللي إترسم
وسط اللي لاح
صبح الصباح حزين
وولى الفرح
مع الليل اللي راح
واللي إنكتب وعامل أتب
آه وآه لساك ضرير
يا ولد جامع للحطب
بقى دا المصير
قوم من هديل الصبح
وإرسم بهجتك بدل النواح
ومن ثنايا القلب لون مهجتك
وإنسى الجراح
قادر يغير حزن حزن الكون فرح
يا اللي انتوا عايشين الحياة
متبسمين متوسمين
مستنظرين الحب يرجع له الحنين
تعظيم سلام
بقلم/وافي إسماعيل الشلبي
ليست هناك تعليقات:
إرسال تعليق