.. مت رباعيات الشيخ مجدي... كلمات الشاعر/ مجدي الشيخ

 من رباعيات الشيخ مجدي

...............................

المصري بيجري على قوته

والخاين يخشاه من صوته

من عرقه بيزرع وبياكل

وبيحمي الأرض بنبوته

.........    .....   ........ .....

ليه يابني تحلم بالكواكب

وتلاقي نفسك في المريخ

تسقط هناك في الجغرافيا

ترجع تقول فينك يا تاريخ

.....     ......   .....    .....

معذور دا لأنه مش شايف

بعيونه وبس غير خيبه

ياعيني وقلبه مش عارف

إيه فرق الخيبه م الطيبه

.....   ......    ......   ......

بعتت عيونهم كام نظره

ورموش كلامهم بالشفره

قلبي الصغير صدقهم

وقع العبيط جوه الحفره

........   .....   .....   .....

أنا تهت وتاهت أيامي

وسنيني اتخطفت قدامي

دورت على سنيني لقيتها

بتموت وبتقتل أحلامي

... بقلمي مجدي الشيخ...