ملناش في الحوارات
خواطر
++++++
بيقولوا ملناش في الحوارات
ولا تطيب الخاطر وبنلعب
التلات ورقات واللي بيكسب
بيكون هو الشاطر ...ملناش
دعوه بغيرنا وبنبعد ساعة الزنقه
وبحياتنا عمرنا مابنخاطر ...ياما
كان لينا في الفهلوه جولات واللي
معصلج بنلفه في ثانيه... عايشين
حياتنا بالطول والعرض ومش حاسين بالساعات
اللي يدور علينا يلاقينا أشباح بتتحرك في القصص
والحكايات ... ساعات نكون عايشين
علي الأرض وساعات بنشعر إننا مع
الأموات... هيا كده يوم في الطالع ويوم في
النازل...وحياتنا مجرد أرقام وخد وهات
وهيا دنيا مكتوب علينا للآخر نكملها ونذاكر
علشان الإمتحانات ونرد علي جميع الأسئلة
وفي النهاية الكل بيحتار فينا علشان بنبقي
مسألة صعبة ومعضلة
سحر أحمد محمد
ليست هناك تعليقات:
إرسال تعليق