((ندمان عليك))
.......................
ندمان عليك......... أكبر ندم
قلبك بسببي........ياما انظلم
أنا اللى سببلك...............ألم
وجرحت فيك
*********************
أخلصتلى ووفيت.... سنين
وسقتنى بالشوق.. والحنين
كان ردى ليك... جرح وأنين
بكيت عينيك
*********************
صدقتنى وانا كنت.... خاين
مكانش غدري منى..... باين
هونت عليا ومكانش.. هاين
قلبي عليك
*********************
خدت الأمان رديت... خيانة
دوقت الحنان رديت.. مهانة
وبإيدي ضيعت ........ الامانة
وغدرت بيك
*********************
بسبب خيانتى.. انت انتهيت
جرحت قلبك ....... وافتريت
بكيت عيونك........ وانطفيت
والخوف ماليك
*********************
فاتت سنين ...... ندمان عليك
وعنيا مشتاقة ........... لعنيك
نفسي فى لمسة ....من ايديك
مشتاق اليك
*********************
أنا نفسي أقولك..... إنى آسف
انا نفسي أروحلك. بس خايف
مكسوف أواجهك. بس شايف
احساسي بيك
*********************
انا نفسي أطلب ....... السماح
وأعوضك......... كل اللى راح
وامسح دموعك ..... مالجراح
واطلب ايديك
((ندمان عليك))
مصطفى الشحات
ليست هناك تعليقات:
إرسال تعليق