صرخ الورق في القلم.....
ماكفايه بقي شخبطه.
نايمه في سجن الألم..
في البرد من غير غطا.
كفايه حيره ووجع...
وحروف كده ملخبطه.
قطعت قلبي ياجدع...
سنك ولا المخرطه.
...............
رد القلم ع الورق...
سامحني مهما تشوف.
انا أصلي قلبي إتحرق..
من شوقه بات ملهوف.
والفرح مني إتسرق...
والدمع عبي حروف.
..............
جمر الحنين قاسي...
وأنا راضي بالمكتوب.
والعشق نبراسي....
رغم إني لسه يادوب.
سهم الحبيب صابني...
خلاني دايب دوب.❤
(جيهان عكاشه✏)
ليست هناك تعليقات:
إرسال تعليق