بعنوان ((قصة حبي))
==============
من الأول ..
لقيت قلبي بيتحول
وطول عمرى عايش مرتاح
وعمر ماقلبي حس جراح
ده احساس شكله هيطول
................................
خدت قلبي ..
ولأمتى أداري وأخبي
شايف فيها اللى بتمناه
خايف قلبي يدوق الآآه
ياريت قلبك يعيش جنبي
..............................
عايش بيها
وكل منايا أكون ليها
وأعيش وياها أحلى حياة
يروق قلبي وينسى الآآآه
وأحلي سعادة نبنيها
...............................
بحنلها....
وقلبي صار يغنيلها
وطول ليلي هايم محتار
ومشتاق ييجي تاني نهار
عشان أقابلها واحكيلها
.............................
يا سراجة..
عيوني ليكي مشتاجة
هواكي ملكنى والله خلاص
ملكتى مشاعري والاحساس
ومش قادر أقول حاجة
..........................
حاول قلبي..
يكتم ويدارى ويخبي
ومش قادر يلاقى كلام
ويوصف بيه حنين وغرام
ويهمسلك بنار حبي
...........................
وبستنى..
وبترجى وبتمنى
لكن جوايا شيء بيقول
صارحها جايز في ليلة تنول
تنول حتة من الجنة
...........................
وقولتلها..
كلام على نور فى أولها
قالتى انا بردو دوبت خلاص
وجوايا اليك احساس
حياتنا ياريت نكملها
............................
نكملها..
ونقول يارب عدلها
ويكون الفرح لينا نصيب
أعيش عمري مع اغلى حبيب
ايديك فى ايديا نعملها
............................
سنين عمري..
هعيشها معاكي ياقمري
انا قبلك ماليش احباب
ولا عمري فتحت الباب
لكن حبك صبح قدري
..........................
صبح قلبي ..
معادش يداري ويخبي
ولا بيلف ولا بيدور
ده انا والله جانى الدور
بقيت بعلن خلاص حبي
.........................
تحياتي
مصطفى الشحات
ليست هناك تعليقات:
إرسال تعليق