(خطوبة ع الضيق ) م/ عبالحميد سالم
كبرت والله يا عبد الحميد
وشعرك الأبيض بدأ يزيد
قوام بتخطب لتانى الولاد !
مهو النهاردة خطبة كريم
ومع إنه واد أهلاوى لئيم
بيحفل علينا ف الماتشات
لكنى م الفرحة طاير سعيد
وبارقص مع عمرو الحفيد
واخوه محمد سكر النبات
وعقبال محمد ومعتصم
وملك روحى زينة البنات
فيارب احفظ م العين ولادى
وزوجتى اللى صاينة الوداد
أعظم نعمة وسندى وزادى
وفرحنى بيهم قبل الممات
وعقبال يارب عند الجميع
واجعل أيامكم فرح وأعياد
وعشان الكورونا بنت الذين
خطوبتنا ع الضيق ومن سكات
ليست هناك تعليقات:
إرسال تعليق