(( معنديش دموع تاني ))
معنديش دموع تاني ..من كتر ما شفت قساوة
عيني بقت خلاص ... مالياها الغشاوة
ياما قبلت أعذار -------- ياما اديتك إنذار
ما دقت معاك أبدا .... طعم الحلاوة
وأنت قلبك حجر
ضيع عليَّ أحلى .. وأجمل أيام العمر
ولا حتى اداني اشارة
وكل مرة تقسى وبتفكرها شطارة
يا ما شمت فيا ..... كل حبيبة وجارة
حياتي كلها معاك ... من ساعة وانا وياك
كلها تجارة خسارة
تيجي عندي وتقول ... كلام كده معسول
ولكن أفعالك ...... كلها بطعم المرارة
اقول يمكن يتعدل ... ويبقى عندي الأمل
وانسى كل اللي حصل
وف الآخر أغرق في دموعي وبكاي يبقى بغزارة
اه اه اه حتى كلمة اه ... قالت يا ويلاااه
تصرخ تقول يااااه ... ظلمت نفسي بجدارة
وعيني تقول ... خلاص كفاية
دا دموعي نشفت جوايه
والخد اترسم عليه ... خطوط بلون سمارة
يا قلبي سيبك من قلوب .. ما عمرها أبدا هتووب
ولا هتترك القذارة
دا العيشة معاهم .. كلها تجارة خسارة
بقلمي
رمضان محمد محمود
ليست هناك تعليقات:
إرسال تعليق