رعد ومطر وبرد
صحينا على صوت الرعد خفنا وجرينا ووقفنا تحت المطر
ودموع تنهمر من عنينا ودعينا
يا رب بكل حبة مطر تغسل ذنوبنا وخطايانا وخليك يارب معانا
واحمينا واهدى أحبابنا واهالينا
ومن خيرك يا رب ادينا
احنا عبادك يا الله
ولا حول ولاقوة لينا
ما لينا غير بابك يا رحيم يؤوينا
أنت التواب يامسبب الأسباب وعاطي من غير حساب
أحنا عبادك التايهين ما لينا
سبيل غير بابك يا أرحم الراحمين
راح زمن الناس اللي ما زالوا
جوا القلب سكنين
مهما مر الزمان والسنين
أسأل نفسك يا انسان مين
دلوقتي بيسأل على مين
الكل تايهين ف الدنيا
ومش عارفين سكتهم فين
بيجروا جري الوحوش فاكرين
إن الفلوس فيها صلاح النفوس
أصحى لنفسك يا إنسان
قبل ما يمر الزمان
وتِبكي وتقول يا ريت
اللي كان ما كان
بقلمي // فاطمة محمد محمود
ليست هناك تعليقات:
إرسال تعليق