حكايتي مع الوهم
كانت بدايتي معاك
حبك صابني بسهم
لقيتني صريع هواك
قلبي عاش الحزن
خدني لطريق هلاك
لو كان فراقك مر
أرحم م الوجود وياك
* * *
ما بين آه ولأ
تعبت من الاتنين
قلبي لحبك دق
سمعت صوت الأنين
قلبك ليه ما رق
يا لأ كنتِ فين
جرحت معاك الحب
وادواي جرحه فين
لا آه تقول الحق
ولا لأ تشفي عليل
* * *
أسامحك ليه وازاي وفين
بعد جرحك ليا سنين
ولا السهر بدموع العين
جاي دلوقتي تقول حنين
أشواق وغرام وكلام عاشقين
إبعد عني وسيبني لحالي
مش ممكن ارجعلك تاني
واسلم قلبي ليك مرتين
* * * بقلمي
منتصر عبد رب النبي * * *
ليست هناك تعليقات:
إرسال تعليق