طب أقولك ايه ؟!؟
وإنت بعمايلك
ظلمت قلبى وجنيت عليه
أنا لسه باقى على اللى كان
على حب اقوى من الزمان
ماهو كل عاشق
غاب حبيبه
فى النهايه بيلاقيه
ماهو كل عاشق
من البدايه
نصيبه بيدور عليه
وإن جه الفراق وخد حبيبه
ويا القدر هنعمل ايه
متقولش ليه ..؟!؟
بلاش تفارق قلبى
لو بتخاف عليه
ليه قلبى شارى
ولا إنت دارى باللى فيه
كان نفسى أحس
لو مره بس عطفك عليه
بعد أما صدق ليه كلامك
لعبت بيه
بلاش تكون ويا الزمان
جايين عليه
طب أقولك إيه ؟!؟
لسه الحكايه فى البدايه
بعدت ليه
بتقول شارينى
طب ليه ناسينى
ولو فاكرني
ليه هجرت قلب
كنت إنت ليه كل اللى ليه
ولا أى حب فى الدنيا أبدا
غير حبك إنت بيساويه
والغياب كده سهل عندك
إزاي ... وليه ..؟!؟
أنا ياما قلبى سألنى عنك
أقوله بُعدك كان غصب عنك
ياما عشت عمرى
أتمنى قربك والوصال
كده فجأة ليه
إني أبقى جنبك شىء محال
ومفيش اجابه ...؟
وعندى ليك مليون سؤال
لو لسه ليا
ولو شويه حب عندك
لو لسه ليا
ولو شويه شوق فى قلبك
جاوبني قوللى
ليه بترضالى العذاب
ليه حلم عمرى
اللى بنيته فوق السحاب
فجأه وهواك اللى عشقته
ألاقيه سراب
طب اقولك ايه
إبقى افتكرنى وافتكر أيام زمان
إبقى افتكر
ليالينا والشوق والحنان
وللا خلاص --- ونسيتنى
و نسيت اللى كان
طب أقولك ايه ؟!؟
عادل علي
ليست هناك تعليقات:
إرسال تعليق