مناشدة قبر
فى عز الفرح سهانى
وناوى يهد ما بيا
ولا حاسس بأحزانى
ولا قلبه فيه حنيه
خطفها فى عز ما أنا محتاج
تضمينى ولو ضمه .
يا قبر أنتا ليه مشتاق
لدبحى بسكينتك التلمه
برغم محايلتى وذلي
مصمم على قتلى بالملي
ناديتك ياقبر ألا أمى
ناديتك ياقبر ألا أمى
ولا سمعت الندا مني
ناويت على دبحى متغمى
خطفتها مني ولا بترحم
ولا تسمي
ياجامعين التراب جمعا
بلاش ع الوش تغطوها
دى روحى ياناس راحت مني
دى نايمه بس أنتوا صحوها
دى سمعانى أكيد طبعا
دى عايشه عمرها عشانى
شيلوا ترابكم بعيد عنها
دى عايشه فى كل وجدانى
شيلوا ترابكم بعيد عنها
دى عايشه فى كل وجدانى
ياقبر قاتلنى وأذانى
ناديتك ما سمعتلى صوت
بلاش تاخدها وخدنى أنا
مينفعشى ياخدها الموت
سنين صابر على فراقك
شريد تايه فى ده ملكوت .
ياحزن أقطعلى شريانى
مدام شوفانها بقى مشروط .
بعدك الضلمه حواليا .
وفى عز الفرحه سهانى
وهد كل ما بيا .
كلماتى إبراهيم الحداد
ليست هناك تعليقات:
إرسال تعليق