أقول أنساك
*********
أقول أنساك
ألاقى عينيك
تسهرنى تفكرنى
بكل ذكرى معاك
وصعب أنساك
أقول أنساك
ياخدنى حنينى
من تانى لليالى هواك
وصعب أنساك
أقول أنساك
يجيبني الشوق
لسكتنا اللى جمعتنا
وكان فيها هنايا معاك
وبفتكرك .... وصعب أنساك
أقول أنساك
واغمض عينى فى منامى
اشوف طيفك فى احلامى
يرجع احلى أيامى
وأبات متهنى بغرامى
وصعب أنساك
أقول أنساك
ومهما سافرت واتغربت
بتبقى معايا طول الوقت
وطول البعد منه تعبت
وأقول أنساك
وصعب انساك
ليلى نهارى
عايش بيك
أفكر فيك
وقلبى عليك بيسالنى
اقوله نسيك
وفاتك بس للذكرى
اللى كانت ليك
واخدك حتى من بكره
اللى مستنيك
ودبلت ورده الأشواق
مفيش عشاق
مفيش غير شوكه
مالى قلبك ومالى ايديك
مفيش غير طيف
يادوب هايم كده حواليك
وصرخه شوق
تسكتها الدموع فى عنيك
اقول أنساك
وصعب أنساك
عادل علي
ليست هناك تعليقات:
إرسال تعليق