...*( ضحكتها )*...
أما عليها حتة
ضحكه
لما بشوفها قلبي يميل
سوي زعلانه أو فرحانه
ليها نغمه ولحن جميل
شافها قلبي دوغري دق
سهر فكري طول الليل
آه من صوتها ومن حلاوتها
بلسم. يشفي كل عليل
************
ضحكه طالعه بين شفايف
جمره حمره توهتني
قلبي غيرها م كانش شايف
لما نارهم دوبتني
سحر جمالهم سابني ونام
للمواجع. جنب مني
قولت يارب تبقي نصيبي
واشيلها جوه حبابي النني
************
علي ضحكتها اصحي وانام
واغنيلها ............. مواويلي
وقلبي يغني الحانه
لبدر منور سما ليلي
تسلم ضحكتها الحلوه
يا شفايف ورد ولولي
ياما نفسي ف همسه منهم
وكلام ف غرام تقولولي
*************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق