" سمك 🐳 - لبن 🍼- تمر هندى 🍺 "
" مش سُّكَات"
▪︎داوى جرحك بالأنين مش بالصياح
▪︎خللى ألمك شئ ثمين مش مستباح
▪︎وإن فهموك إن الرضا أصله السكوت
▪︎ياريت تموت من غير بكى ولا نواح
▪︎معظم كلامك بالعويل وكتير آهات
▪︎أوجاع كتير جواك دولاب للذكريات
▪︎لو يوم حاولت تفتحه راح تكتشف
▪︎إن اللى ظلمك إستباحك بالسُّكَات
▪︎ده البحر موجة آخره شط ويندثر
▪︎و مهما ضهره شال وحط بينكسر
▪︎وبكرة الخير يزيح الشر و ينتصر
▪︎عمر الجروح ما بتلتئم بالإنكسار
▪︎مر السكات زى الرماد بيدارى نار
▪︎ده الحق عالى جبهته والظلم عار
▪︎والليل هيطوى عتمته قبل النهار
▪︎ومهما طال الانتظار بعده إنتصار
عجبى!!!
( خالد فاروق )
ليست هناك تعليقات:
إرسال تعليق