دموع الندم (260)
.................
أصرخ كمان وقول يا أمه
وحشنا حضنك واللمه
دنيا تلاهي النور ضلمه .. طب كنت فين
كنت فين يوم ما قطعت تودها تسأل عليك تنكر وجودك عنها
حتى السلام لو من بعيد
خاب ظنها ..
كنت فين ..
كنت فين ودموعهاسالت والفروع بالعند مالت
لا أفتكرتوا في يوم دي
شالت حمل
ما يشلهوش جبال
مهما دارت ولا خبت قلبها هينطق دي حبت
أغلى حاجه في عمرها
ده أنتوا حته منها ..
جم فاتوها للغياب والوجع أصناف عذاب
من اللي فاكر
واللي غاب
واللي كارها ضيها
أبكي أبكي يا عين ندم
يوم هتبكي في ليل ألم
لو نطول تحت القدم
فوق رؤسنا نكون خدم
باقي أيه غير ليل دموع
والوجع من الغير يهون
لما يبقى ب 100 معون
من ولدها وبنتها ..
كنت فين ..
لا أفتكرتوا الغصن مال
والزمن وهموم جبال
جاي تقسم ده الحلال
مين اللي كتف والحبال
اللي باقيه في عمرها
قطعتوا فيها بحزنها
ماتت وشاكيه لربها ..
بقلم .. صبري رسلان
ليست هناك تعليقات:
إرسال تعليق