كتبت الشاعرة / صفاء الخواجة ¥سيبني في حالي¥

سيبني ف حالي. الله يخليك
أنا كفاني الحزن سنين
حلمى آلاقي الشط لموجي
بس سفينتي مع التايهين
أجري لمرسي وأقول هنا ح أرسي
القي سراب ودموع وأنين
سيبني ف حالي الله يخليك
أنا حبيتك وأتمنيتك
شايلاك جوه ف نن العين
لو مش قادر تحمي لي حبي
إبعد وإنسي دموع و حنين 
أملي تكون ف الدنيا نصيبي
بعد عذابي ودمع العين
لو يرضيك المُر آآقاسي
أشرب كاسه مع اليآسين
إنسي حياتي وروح إنساني
ح أرجع تاني لعمر ضنين
دايما يحرم ويلوعني
وأنا عايشاه ويا الصابرين
((كلماتي/ صفاء الخواجة  ))