كتبت الشاعرة / صفاء مصطفى الخواجة ¥مسحراتي العلم نور ¥

¥مسحراتي العلم نور¥

مسحراتي طول عمري ماشي
بأصحي ف النايمين
وأقول يا ضاحي
        يا أبو عقل صاحي
أنشر آراءك ده العلم نور
بيقيد شموعه وبيمحي ضلمة
ويخلي بكره بأماني طارحة
 لهيام. وفرحة
        وعلاء و بسمة .
والدنيا أجمل برحمة الرحمن
أوعوا تسيبو للجهل مطرح ..
      علومكو... اهيَ
فيزيا. وكيميا.أجمع و اطرح
إبني ف ابنك وبكره يطرح
طب ومعامل. بنيان وشامخ
سايرو عصوركم. حضارتكو تشهد
في سابق الأزمان.
ده مينا شاهد. أنطونيو عارف
خوفو وخفرع قاعدين هناك
بيقولوا إحنا. أصحاب عمارة
وبكره راجع. والمجد لينا
والقوة.... ف الإنسان
و أصحي يا نايم .وحد الدايم
        رمضاااان كريم
((بقلمي/صفاء مصطفي الخواجة ))