كتب الشاعر/ حماده الراوي ¥قلبي انقسم ¥

قلبي انقسم

اقسم بمن حل القسم
ان  فيك قلبي انقسم
ياللي غايب انت عني
وان باقي ع الوعود
واني ما خنت العهود
واني ما نسيت القسم
واني عايش بالتمني
علي اللقاء يجمع ما بيني
وبين عيونك اعشقيني واسمعي
نبضي وحنيني واسمعيني
انا ما اقدر اعيش بدونك
او اخونك ده انتِ طيفك
ده  ملازمني
وانا صاحي وجو حلمي
كانه جني
سايب الدنيا وشاغلني
بالملامح والعيون 
قولي كيف اقدر اخون
وانتِ عايشه جو مني
عايشه ما بين الجفون
انتِ نور الشمس ليا
انتِ نني
انتِ لسه في عيني طفلة
لسه شايفك بالضفاير
لما قالو البت كبرت
كان ساعتها قلبي غاير
كانت حاسس بالفراق
من كلامهم دمي فاير
والنفس جوايا ضاق
كنت نفسي اخدك واطير
علي حصان ابيض ونمشي
كنت نفسي ابقي الامير
واخدك في حضني منامشي
بس برده كنتِ ساكته
كانه كان عاجبك كلامهم
والسكوت ليه كذا معني
لو رفضتي انتِ سلامهم
والحنين اللي جمعنا
لا اقلب الدنيا عشانك
انتِ مش عارفه مكانك
كنتِ عايزه اعمل ايه
كنتِ عايزاني ابارك
كان ساعتها دمي شارد
كنت هقلبها معارك
انتِ

فاكره دمي بارد
مش هحبك لا هسيبك
ولو في حبك هجي تحت
مش هحبك ومش حبيبك
ف متزعليش اني رحت
انتِ بردو ليكِ يد
بالسكوت بنيتي سد
والحنين اللي م بينا
كان عايز له بس رد
كانت هتفتح ورودنا
كنا هنحقق وعودنا
والفرح لينا ابتسم
كنت هكتبلك واغني
كنت هرسملك بفني
شكل غير اللي اترسم
اقسم بمن حل القسم
 ان فيك قلبي انقسم

  حماده محمد الراوي

٢٠٢٠/٥/٣١