كتب الشاعر/ خالد عبد المعطي ¥منتهاش العمر بعدك ¥

منتهاش العمر بعدك
منتهاش..
..
و الهوى اللى مات فى بعدك
و جوه منى دفنته عاش..
..
لسه فيه فى القلب باقى
بحور حنين غير اشتياقى
و ان سألتى عن التلاقى
اكيد هقولك  لا  بلاش..
..
منتهاش العمر بعدك
منتهاش..
..........
منتهاش العمر لكن
احنا فى البعد انتهينا..
..
و الغرام كان فينا ساكن
هدمنا اوطانه بايدينا..
..
النجوم لسمانا فاتت
و الزهور دبلت و ماتت
و الدموع فى عيونا باتت
تبكى قسوتنا علينا..
..
اشترينا غرورنا غالى
و بعنا احلامنا بلاش..
..
منتهاش العمر بعدك
منتهاش..
..
منتهاش العمر لسه
ماانت شايفانى بغنى..
..
و ابتسامتى بتحكى قصة
و العيون بحرين تمنى..
..
ايه يفيد لو كنت حاسة
بالندم ولا التجنى..
..
الحكاية مش جديدة
دى من زمان متكررة..
..
يوم حزينه و يوم سعيدة
ولا عمره مرة
الزمان يرجع ورا..
..
الفراق قطر ماشى
فى سكته..
..
صوته عالى مهماالحنين
حاول فى مرة يسكته..
..
والنصيب راسم طريق
و ماشى فيه..
..
من يوم فراقنا والعيون
دايما عليه..
..
والامل دايما بيسأل
و القدر يقول مجاش..
..
منتهاش العمر بعدك
منتهاش..
..
#خالدعبدالمعطى