كتب الشاعر/ خالد سعد ... متقتلوش ...

( متقتلوش )
            ~~~~~~
شكرا خلاص ...
بقي كل شيء في الكون فشوش
بان المستخبي واللي كنت مابعرفوش
واتغيرت كل الثوابت والقيم
واتبدلت كل الملاح في الوشوش
وبعدت خالص عن أحاسيس الغرام
ونسيت كمان حلو الكلام
وصنت قلبي علشان ضعفت
وخايف اقول للي بحبه
كفاياك كده
قلبي طيب فمتئذيهوش
إنت كتير بعت اللي بينا
وأرجع أصالحك
يصعب عليا حب عمري
يبعد بعيد ومرجعوش
بس النهارده خنجرك جو الحشا
إتمد جوه القلب اللي حبك وانتشى
وياما قلك
حبيبك طيب فمتجرحوش
علشان كده هبعد أنا
وأداوي جرحي بذكري بينا
يمكن يطيب .. يقدر يعيش
تعرف حبيبي
الكل شايف لوني مخطوف
يسألوني وأقول مفيش
باقي في البعاد علي كل
لحظه عشتها
حب وحنان
فرح وغرام
كل اللي بيني وبين حبيبي
مبنسهوش
ووصيتي لمره أخيرة
لو يوم حبيبك رد تاني
متغربوش
وبقساوتك متموتوش
علشان حياته خلاص
مش باقي منها غير رتوش
قلبه إتوجع وعذاب بعادك
مبيتحملوش .. فمتقتلوش
خالد سعد
1/3/2019