كتب الشاعر/ أسامه جديانة ... أبيع الحواوشي ...

أبيع الحواوشي
بخمسة الرغيف
وطول سنيني
شتا او صيف
الطلبه يجوني
يقولوا يالطيف
أقول مش غالي
دا شغلي نضيف
أرؤف بحالي
مافيش مصاريف
ياعمي ياخالي
رغيفك نحيف
دي لحمه ضاني
بلاش تخاريف
أقوله يابني
بكام الطعميه
يقولي كفايه
بلا حرق قلب
ماتجيب النهايه
أنا طالب فى طب
هاتلي رغيف
وبلاش تعب
رغيفي مظبط
وعليه توليف
لاصحابك ادعي
من باب التعريف
وكل ماتيجي
لك مني رغيف
من غير ماتدفع
وتوفر المصاريف
من غير مايعرفوا
وبشكل ظريف
أبيع الحواوشي
بخمسة الرغيف
                        (((أسامه جديانه)))