كتب الشاعر/ أحمد شكري ... ليه يا دنيا ...

اغنية بعنوان
( ليه يا دنيا)

يا دنيا سيبينا نعيش
يا دنيا خلينا نحب
يا دنيا متشنيش علينا
   كل يوم حرب
يا دنيا ليه متكونيش
للناس جنة
ليه متلونيش الحياة
بلون الحنة
ليه متزرعيش في كل
حتة وردة
وكل قلب تمليه حب
وكل حب بحبيبه يتهنا
وليه استني الأذن منك
وليه تامري علينا وتتحكمي
فينا
بالدقيقة والثانية
يا دنيا ليكي ناس
وناسية ناس تانية
وتضحكي لناس
وتبكي ناس تانية
وناس تخليها ملوك
وناس مملوكة لناس تانية
ليه.        ليه يا دنيا
صحيح أنت دنيا
واحنا غصب عنا
بأي شيء فيكي
قلوبنا راضية

        احمد شكري