ترنيمة المجروح
ترنيمة المجروح بتسحب من جدوره الروح
بتتغنى وتتلحن على وتر الوجع والأه
تنام كل البشر ف الكون وما ينام اللي عز دواه
يا بياع قولي راحة البال بكام يطلع فيها الكيلو
أنا القلب اللي عاش غفلان وهدمت الجراح حيلو
وفى عز وجيعته بيغنيلها تهزهُ دموعه يدعيلها
تجف ما تشقق الأوجان
سهران بالأهة يحكيلها
عن جرح ما عاشهُ أنس وجان
ولا عمره خف أوجاعه
وبقاوح من حلاوة الروح
وبيدندن على دموعي ترنيمة بأسمي أنا المجروح
كوبليه الغدر كان لحبيب حبيبةُ بالرخيص باعهُ
أهين يا.. سر فى ضلوعي وعلى كل البشر ذاعهُ
وياويل اللب يهوى حبيب سايب قلبُه لأطماعه
ومتسألش باعك ليه
ده مكتوبك ومتقدر جراحك مطلع الكوبليه
وبتطاردك منين ما تروح
وتتغنى فى لحن حزين
يادمع العين
بتأليفك وألحانك
بتعزف على وتر حساس
مابين الأه وشُريانك
ولو هتخونك الدمعة
وتفضح الألم وتبوح
فبإيدك هتكتمها وتهدمها
فى وجعنا الدمع مش مسموح
ولا الخاين هنبكي عليه
وكون كوبليه مطلع ترنيمة المجروح
كلماتى إبراهيم الحداد
ليست هناك تعليقات:
إرسال تعليق