همســــــــــــــــــــــــــــــــــــة حــــــــــــــــــــزن :
&&&&&&&&&&&&&&&&&&&&&&&
فات الزمن
والعمر راح
زي الثواني وانقضى
مابين انين
ساعة فراق
أو موت حبيب
وبين حنين
ساعة لقا
وبين ذهول
ساعة قضا
فات الزمن
@@@@@@@@@@
وآدينا عايشين فى الحياة
عرفنا فيها ناس كتير
مابين عدو
وبين صديق
واللي كان عامل صديق
بس انكشف فى وقت ضيق
حتى اختك او اخوك
لو جاموسة هايحلبوك
واسمك الأخ الكبير
حتى الأخوة بالتمن
فات الزمن
@@@@@@@@@
سألت عيني بتبكي ليه ؟
قالت وايه ماابكيش عليه ؟
وكل شيء بقى بالفلوس
حتى النفوس وبكام جنيه
تقدر تبيع وتشتري
حبة نفاق
وحبوب رياء
وادفع يابيه
وكل شيء
وله تمن
فات الزمن
@@@@@@@@@@@@
قلبي حزين على اللي كان .....وانا مهما اكون
عمري ماابيع حتى اللي باع ...ولايوم أخون
ابويا علمني الأصول
وازاي أصون
واللي انجرح قلبي انا.
وازاي يهون
والبيعة كانت بالمزاد
واللي
اشترى
ارخص تمن
آه يازمن
آه يازمن
@@@@@@@@@@@@@
يوسف الخواجه
ليست هناك تعليقات:
إرسال تعليق