أغنية بعنوان
مش حساك
***********
مش حساك
بعد ماكنت تملي معاك
مش حساك
بعد ماكان فى القلب هواك
بعد ماكنت تخاف على زعلي
وتقولي بالروح
ارعاك
دلوقتي جفاك توه عقلي
قلبك فين ولفين وداك
أنا حاسة ومش متهيألي
اصل البعد ظهر لي قساك
ومش حساك
مش حاسة انك ويايا
بعد ماطول الوقت معايا
بعد ماقلبي وروحي هديتك
وضيعت بظلمك مسعايا
والعمر اللي أنا عشته معاك
راح بالهجر وشفت آسايا
ومش حساك
والاحساس اللي فى يوم عشته
والحب اللي أنا قدمتولك
زي الطير اللي هجر عشه
ونسى خلاص ولا كلمة فى قولك
رغم آسايا وظلمك ليا
أنا كسبانة وعايشة بدونك
بكره الظلم ينوبك منه
والنوم مش حيوافي جفونك
ومش حساك
مش حساك
ولا حاسة دنيتي وياك
انت خنت بسرعة هوايا
وياما عملت الصح معاك
مهما حتعمل تاني
معايا
مش ممكن ارجع لهواك
ومش حساك
**********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق