🤣لم ف خيبتك🤣
ليه ماشي بخيبته بيتمخطر
وكأنه الحيلة بيتغندر
ناسي شيبته وبيته وانتكته
عمال على خلقه بيتمنظر
***
وولاده.. سايبهم وناسيهم
وحريمه الأربعة. بايعينه.
رامين له الحبل على الغارب
من كتر ماقاسوا. وناسينه
***
بيسبسب شعره وبيعاكس
بعيونه يغازل ويشاكس
ف صحاب لبناته ومش حاسس
وكأنه عليهم .. بينافس
***
ما تلم ف خيبتك يا الخايب
وأرجع لولادك وبناتك
كفاك سرمحة يا المتغندر
حاوط بحنانك ستاتك
***
واكفيهم شر اللي ما يرحم
والخدمة فى بيت اللي ما يشبع
زيك وسايقها .. بيتدلع
على خلقه وناسي اللي بيشفع
***
دي نصيحتي وأرجع للمولى
لا الآخرة ف نارها ح تتسوى
وحسابك ح يكون.. ببشاعة
وفى ناره ح تهوى وتتهنى!
***
🤣بقلمي/ صفاء الخواجة 🤣
ليست هناك تعليقات:
إرسال تعليق