ردًا على نص "ياخراشي"
للشاعر المبدع محمد توفيق
أقدم نصي المتواضع
"جمالِك لخبطني"
ياحبيبتي جمالِك لخبطني
ودلالك هو اللي أسرني
وبفرحة لقيت قلبي بيرقص
ولسحر عيونِك بيغني
ولقيت الهوى فجأة خطفني
ياحبيبتي جمالِك لخبطني
.............
أنا باحسد نفسي اني لاقيتِك
من أول نظرة انا حبيتِك
ومفيش غيرِك دخلت قلبي
وقفلته عليكي وخبيتِك
واللهِ ده حُبِّك غيرني
ياحبيبتي جمالِك لخبطني
............
جوه عيونِك فيه بحر حنان
خلوني في لحظة بقيت هيمان
مقدرش ابعد عنِّك أبدا
أو اروح من غيرِك أي مكان
إوعي تفكري تبعدي عني
ياحبيبتي جمالِك لخبطني
...........
حُبِّك فِ القلب يقويني
وافديكي بروحي يانور عيني
وهاحققلِك كل أمالك
واسقيكي الحب وتسقيني
بادعيلِك دايمًا تتهني
ياحبيبتي جمالِك لخبطني
...........
أنا هافضل احِبِّك طول عمري
إنتي نصيبي وحُبِّك قدري
عمري مااخون العهد وﻻاهجر
أنا أصلي عشقتِك من بدري
مين غيرك تقدر تشغلني
ياحبيبتي جمالك لخبطني
بقلمي ؛
م. محمود الحريري
رابط نص "ياخراشي" في أول تعليق
ليست هناك تعليقات:
إرسال تعليق