🌾مصر أم الدنيا 🌾كلمات الشاعر/ حسن السحماوي

 مصر .. أم الدنيا ..

....

راح امدد طولي ...

وبطول الأرض ..

ولا يوم راح .. افرط ..

من شبر .. فى أرض ..

الأرض مقاسي ..

من لحظة .. فاسي ..

رسمت أنفاسي ..

فى جناين ... ورد ..

..............

الأرض عَفية ..

بتحس ... وبيا ..

تشتاق لإيديا ..

لحظة ما أرويها ..

من حبي ... بجد ..

...............

الأرض دي عرضي ..

من شرفي.. وعهدي ..

ولا لحظة ... تهون ..

وأنا مهما يكون ..

ما أفرط فيها ...

وأحميها ... بجد ..

أنا دمي ... فداها ..

وبروحي.. أهواها ..

وأحمي أجواءها ...

ولا اخلف ... عهد ..

...........

أنا حارس بابها ..

من عهد .. أجدادها ..

وأنا نبض شبابها ..

من عهد ... السد ..

...............

أنا صوتها الصاحي..

وأطير .. بجناحي ..

وأعدي بحورها ..

ولا اخاف ... المد ..

.................

متخافشي

.. عليها ..

ربك ... يحميها ....

متصانة ..... بجد ..

شعر ..

حسن السحماوى