ليه كده
وجعوا قلبي واتفرجوا عليا
نزلت دمعة حزينة من عنيا
قالت حرام ليه القسوة ديا
وكمان بترقصوا على أغانيا
ق
عدت في ركنة بعيدة افكر
مزاجي مأريف ودمي متعكر
اطنش وهي خلاص مرة وعدت
ولا اقول في نفسي ياواد كبر
بس اللي غايظني وحازز في قلبي
اللي بتزأطط وأعده تطبل
مش حتصدقوا ..هي حبي
قلت ليه كده بس ياربي
قالت
حبنا كان ربيع وخلاص اتنسى
دبل ورده وراح عليه المسا
كفايه عقد وتعالى معانا انبسط
بطل بقه حزن وشغل مسكنة
كلامها شق قلبي زي السكينة
بهدل شراييني وخلاها عجينة
أنا مش مصدق اللي بتقوله
دي اللي كانت منورة
زي الزينة
قلت ولا يهمك الدنيا فيها العجب
ناس متعرفكشي وتحبك بلا سبب
وناس تحبك ومخبية وراها الزلط
ومستنيه اللحظة وتعمل معاك الغلط
أسامه عبد العال
مصر
ليست هناك تعليقات:
إرسال تعليق