سجال بعنوان
"سحر جمالك"
بين الشاعرين
أ. محمد توفيق
م. محمود الحريري
-------------------------
أ. محمد
------------
يَا خَراشِي مِن سِحْرِ جَمَالَكْ
فِي سُكُوتَكْ أَوْ حَتَّى كَلَامَكْ
مَعْرَفْش إِزَّاي أَنَا حَبِّيتَكْ
وِإِزَّاي الْقَلْبْ بَقَى خَدَّامَكْ
يَا خَراشِي عَلَى سِحْرِ جَمَالَكْ
م. محمود
--------------
ياحبيبتي جمالِك لخبطني
ودلالك هو اللي أسرني
وبسرعة لقيت قلبي بيرقص
ولسحر عيونِك بيغني
والهوى فجأة لقيته خطفني
ياحبيبتي جمالِك لخبطني
...........
أ. محمد
------------
كُلِّ الْبَنَاتْ لِيهْ حَسَدُونِي
عَلَى حُبَّكْ وَبِيغَارُوا مِنِّي
إِيه يِعْنِي لَوْ نِنْسَى الْعَالَمْ
صَدَّقْنِي أَنَا أَهُو بَقِيَالَكْ
يَا خَراشِي عَلَى سِحْرِ جَمَالَكْ
م. محمود
--------------
وانا باحسد نفسي اني لاقيتك
من أول نظرة انا حبيتك
ومفيش غيرك دخلت قلبي
وقفلته عليكي وخبيتك
والله ده حبك غيرني
ياحبيبتي جمالِك لخبطني
.........................
أ. محمد
------------
فِي عُيُونَكْ سِحْرْ وَهَيَامْ
وَلَا يِقْدَرْ عَلَيْهِ إِنْسَانْ
أَنَا تِوْهْتْ فِي حُبَّكْ تَوْهَانْ
اِلْحَقْنِي لَأَمُوتْ قُدَّامَكْ
يَا خَراشِي عَلَى سِحْرِ جَمَالَكْ
م. محمود
--------------
جوه عيونك فيه بحر حنان
خلوني في لحظة بقيت هيمان
مقدرش ابعد عنك أبدا
أو اروح من غيرك أي مكان
إوعي تفكري تبعدي عني
ياحبيبتي جمالِك لخبطني
.....................
أ. محمد
------------
فِيكْ قُوَّهْ بِتِهَدِّ جِبَالْ
وَبْتُوعِدْنِي بِكُلِّ آمَالْ
أَنَا كَايِلْ وَإِنْتَ بَاتْمَانْ
وَبِنَفْسِي أَنَا أَهُو جِيَالَكْ
يَا خَراشِي عَلَى سِحْرِ جَمَالَكْ
م. محمود
--------------
حُبِّك فِ القلب يقويني
وافديكي بروحي يانور عيني
وهاحققلِك كل أمالك
واسقيكي الحب وتسقيني
وادعيلِك دايمًا تتهني
ياحبيبتي جمالِك لخبطني
...................
أ. محمد
------------
اوْعِدْنِي بِحُبَّكْ عَلَى طُولْ
وِتِخْلِصْ زَيِّ مَا بِتْقُولْ
وَإِنْ خُنْتْ عَهْدِي وَهَجَرْتْ
رَاحْ تِرْجَعْ تَانِي مَذْلُولْ
وَهَقُولَّكْ طَلَبَكْ مَقْبُولْ
أَنَا أَصْلِي مَخْلُوقَهْ عَلشَانَكْ
يَا خَراشِي عَلَى سِحْرِ جَمَالَكْ
م. محمود
--------------
أنا هافضل احِبِّك طول عمري
إنتي نصيبي وحبك قدري
عمري مااخون العهد وﻻاهجر
أنا أصلي عشقتك من بدري
مين غيرك تقدر تشغلني
ياحبيبتي جمالك لخبطني
---------------------------------
بقلم :
أ. محمد توفيق
م. محمود الحريري
ليست هناك تعليقات:
إرسال تعليق