"قهوة سادة"
----------------
هاعرف منين طعم السعادة
والحزن أصبح جوه قلبى
كأنه عادة
وف حلقي فيه طعم المرار
والدمع مالي العين
سواء بالليل أو بالنهار
أنا قربت خلاص انهار
أما الهموم.. بقت بالكوم
وكل يوم.. تصبح زيادة
نفسي ادوق طعم السعادة
وسألت نفسي الحل إيه
وسألت غيري ازاي وليه
قالولي ف النسيان إفادة
وحاولت اداوي الجرح بالنسيان
وانسى طعم المر والأحزان
وطلبت قهوة سكر زيادة
جابولي فنجان قهوة سادة
ليست هناك تعليقات:
إرسال تعليق