مهما الدنيا تبعدنى
_____________
مهما الدنيا تبعدنى
هاكون وياك
وحتى ان ان قلت هتسيبنى
منيش سايباك
دى مهمًا الدنيا تبعدنا
حنين قلبك بوجدانى
حرام الشوق يعذبنا
حرام تبعد وتنسانى
أنا قدرك ومين يهرب
من القدر اللى كان مكتوب
أنا الجنة اللى تحسبها
لهيب النار وانت فى قلبها ايوب
ما تحسبنيش هاغيب واندم
وانسى هواك وتنسانى
ولا تفكرش فى بعادك
يضيع منك حنين شوقك
وعنوانى
ده مهمًا الدنيا تبعدنا
حنين قلبك بوجدانى
حرام الشوق يعذبنا
حرام تبعد وتنسانى
ده مهمًا تغيب يا نور عينى
هنا فى عينى
يا ساكن جوه ننى العين
ونبضك جوه شرايينى
يقولوا انساك ومين ينساك
وانا جوّاك وجوايا
يقولوا الناس وايه الناس
ومالها الناس بشكوايا
راح استناك وما انسى هواك
ومهماالبعد هيطوّل
مسيرى القاك واعيش وياك
نعيد الحب م الاول
دى مهمًا الدنيا تبعدنا
حنين قلبك بوجدانى
حرام الشوق يعذبنا
حرام تبعد وتنسانى
شعر
عبد الرحيم على
ليست هناك تعليقات:
إرسال تعليق