غُلِب الصبر
باللغة العامية
للشاعر/سعيد الشبراوي
تم كتابتها فى 15/10/2024
غُلِب الصبر مني وولى فرار
ودنيا عايشها مرار على مرار
ولى زمان ......ناسنا الطيبين
ولا عاد شهامة ولا حد بيغار
زمان ضحل......... بكل مافيه
لافيه أخلاق ولا مروءة ياريته
غار
فين زمان.... الحب والطيبة؟
فين صحبة الشارع...... فين
الجار ؟
فين لعب........ الحواري فين
العصاري؟
فين الإخوة فين.......... ناس
الدار؟
راحت الطيبة وكمان.... راح
زمانها
راحت الناس وفضيت علينا
الدار
راح الأحباب .وطالت غربتهم
راحت الضحكة.... ولاعادفيه
حوار
حتحكي لمين م أنت .بقيت
وحيد
حتحكي لنفسك ...ولاحتكلم
حيطان الدار
يازمان وطالت قسوتك علينا
أقولك كفاية.... تزيدني مرار
أشكي لمين ..ولاحد بيسمع
قلوب الناس بقت.......... ولا
الأحجار
بيجروا ورا الدنيا ولابتستنى
خلاص ح يمسكوها... بتولي
فرار
عايشين كدا على.... دا الحال
وبيفنى العمر.. وكأنه ماصار
الصبر الصبر يا..... دنيا الصبر
وكلت أمرى.......... إلى الجبار
ليست هناك تعليقات:
إرسال تعليق