"العمر بيجري"
------------------
فجأة لقيت العمر بيجري
وبسرعته مبيستناش
ولا بيبطأ ولا بيهدي
وبينتهي وكأنه مجاش
زي القطر بسرعة يعدي
بس القطر مهوش قشاش
والأيام بتجيب وتودي
والدنيا علينا متهداش
دمعة بتنزل تحرق خدي
وتقوللي الدنيا متسواش
كنت زمان ف حياتي باعافر
واقدر اسِد ف اي مجال
مشواري باكمله للآخر
مهما باقابل من أهوال
بعد ما عدى العمر وسافر
صبح الحال مش هو الحال
مش هنقاوح ولا هنكابر
أجيال بتسلم أجيال
رب الملكوت هو القادر
يصلح لعبيده الأحوال
------------------------------
بقلمي؛ م /محمود الحريري
ليست هناك تعليقات:
إرسال تعليق