-"رضينا بالمقسوم"
-----------------------
بعد الرحيل والفراق
القلب كله جراح
خلصت ليالي الهنا
ومعدش فيه أفراح
النور أصبح ظلام
والغُنا.. زي النواح
حاسس بطعم مرار
من يوم ماسابني وراح
******
بعد الرحيل والفراق
مبقيتش عارف انام
راح الدفا والأمان
وزادت الأوهام
ومعدش عندي أمل
ومعدش عندي كلام
وهاقول كلامي لمين
لو حتى في الأحلام
وباقول طريقي فين
تايه وسط الزحام
******
بعد الرحيل والفراق
خاصم عنيا النوم
حاسس كأني غريق
ونسيت كمان العوم
وتاه مني الطريق
ركبت عليا الهموم
يارب دي حكمتك
بس الفؤاد مصدوم
رضينا باللي اتكتب
ورضينا بالمقسوم
--------------------------
بقلمي؛؛
م/ محمود الحريري
ليست هناك تعليقات:
إرسال تعليق