......*( إسألي )*......
إسألي القلب اللي حبك
يا حبيبتي من سنين
إسأليه راح يقولك
ع اللي شافه م الأنين
لما غرقت ف بحر ليلك
عين سهرانه وقلب حزين
والا يوم قلبك م دلك
إني ضحية زي ياسين
إسألي الدمعة ف عيوني
واسألي نجم الليالي
وصوت آهات العاشقين
اللي حالهم نفس حالي
يباتوا الليل متجرحين
م اللي جرالهم واللي جرالي
شوق مخنوق ايام وسنين
وانت لسه قاسي وناسي
حتي ناسي نسيت ملامحهم
أما صحيح ف الحب مآسي
أفتح قلبي بكل محبة
ترمي الشوك دايما قدامي
أسألي انا مش ح اجاوبك
كفايه قلبي اللي اتوجع
كنت فاكر إنه حبك
وياما لومته .... م ارتجع
قولت لقلبي يلا انساها
وبلاش ف غرامها تندفع
ده إللي م يسأل يوم عليك
ح يطب يوم مهما ارتفع
*★*★*★*
بقلمي/اسماعيل عبدالهادي ابوالعلا
ليست هناك تعليقات:
إرسال تعليق