مكنش العشم
.................
مكنش العشم يا أغلى ماليا
بعد ما الأمل أبتسم
تعمل كده فيا
تخلي الأمل عندي كبير
وتخلى بيا
علشان ما أنا واضح وصريح
تخلي أحلامي ف مهب الريح
كنت طاير بالأمل محمل بالتفاريح
ليه تخليني مكسور الجناح جريح
إيه وداك تستاهل إللي جرالك
أي لوم من أي لون أو توبيخ
أنده أصرخ محدش هيسمع كلامك
صوتك هيكون مبحوح
من الضجيج والريح
أمشي أجري وسط الزحام
مش هتلاقي مكان
هتقف من الأهمال مشلول وكسيح
أشكي نوح مش هتلاقي له صدى
صوتك ح يروح يضيع ف
الفضا
الأذان صما يفوح منها عويل ونبيح
لا أنت مشهور وتعرف مسئول علشان يكون لك دور
تكون عبقري وفصيح
تقول أي كلام لا فيه معاني تلاقيه شعر وكمان أغاني
وتنول حظك من المديح
أنت ضعيف وحيد
مع قلوب من حديد
لا تلين ولا تستكين
ولا من النار بتسيح
اغتالوا فرحتي بسهم الأهمال
خلو الأمل فى فراش اليأس
طريح
قولوا على الدنيا السلام
اترحموا ع الأمل إللي مات
وأنثروا جريد وخوص على الضريح
.........
بقلم.الشاعر
الأمير _محمود
ليست هناك تعليقات:
إرسال تعليق