( أم الشهيد ) م/عبالحميد سالم
وكان دايما تليفونه يصحيني من النجمة
ويقول ادعيلنا يا غالية ف كل صلاة
أنا وزمايلي وافقين انتباه ف الخدمة
بنحارب إرهاب غاشم دول كتير دَعماه
رافع شعار الدين ولا عنده دين ولا ذمة
وخلاص قريب هنمحيه هو واللي وراه
وسينا هتبقى مقبرتهم بعزيمتنا والهمة
لكني زعلان يا أمي لأني خلاص بقيت رديف
ومتحققش حلمي اللي طول عمري باتمناه
يا نزيل عن مصرنا الغمة بشهادة ف سبيل الله
طب ليه النهاردة ياولدي تليفونك مبيرنش
هو الحلم حقيقة ده انا لسه شايفاك ف الجنة
وحور العين بيزفوك ودمك ف إيديهم الحنة
ازغرد والا أبكي يا ضنايا والله م أنا عارفة
فجأة رن تيلفونك لكن الصوت مهوش صوتك
قلت إوعاك تبكي يا ولدي ومتقولش ولا كلمة
انا كنت معاه ف فرحه وعارفة إن مكانه بعيد
وانا ست مؤمنة بقدر الله وصابرة ومحتسبة
ودم الشهيد تاركم وبعزيمتكم هتاخدوه أكيد
ده مهما كان قلبي حزين وببصرخ من جواه
وكفياني فخر كأي أم مصرية إني
أبقى أم شهيد
و راية مصرنا تفضل دايما مرفوعة بإذن الله
ليست هناك تعليقات:
إرسال تعليق