( صورة ) م/عبالحميد سالم
دنيتنا عجوزة على فكرة
لكن عاملة فيها سنيورة
فلو ضامن تعيش بكره
ف الحق خدلك معاها صورة
وابكي دى صورة للذكرى
مع دنيا فانية وغرورة
ولو كسبتها بهدف مرة
ف العودة هتكسبك فورة
وتمسح بيك طوب الأرض
ونفسك تبقى مكسورة
مهو طولها يابنى زى العرض
وطبعها الغدر كما الكورة
فاحذر لو ضحكتلك الدنيا
دي جنة قصورها مهجورة
ف عيشها كأنها استوديو
جاي
تاخد يدوب صورة
ف اضحك لها تبان حلوة
مدام الصحة عال ومستورة
ليست هناك تعليقات:
إرسال تعليق