كل عام وانتم بخير وصحة وسعادة
والله مانا عارف
والله مانا شايف
الصورة مش واضحه
وقلبي ليه خايف
والله مانا عارف
مين يقدر يكمل ؟
ويقولي
إيه شايف
قلبي بيقولي
الدنيا فين رايحه
سألت أنا نفسي
الصورة مش واضحه
وفيه عيون بجحه
ناظرة للحلوة
وناظرة للمالحه
والله مانا عارف
يحسدوا الحلوين
ويحسدوا الوحشين
وماحد م الإتنين
مرتاح علي الجنبين
والله مانا عارف
الرضا كنز ثمين
بيريح قلوب تايهين
ولا تفكر في إيه بكرة
ولا إيه كان إمبارح
سيبه لرب كريم
بيده كل شئ صالح
والله ما نا عارف
عمر الربيع ولي
وشوفنا أيام حلوة
وشوفنا أيام مره
وأيام كانت بلوي
وجانا الخريف يجري
وما شوفنا فيه سلوي
والله ما نا عارف
مرات كتير اسأل
نفسي ومش عارف
هل رضيت ربي
ولا أنا مخالف
نفسي وبحاسبها
لكني مش عارف
والله ما نا عارف
ودي نعمة إنك إنت
بكرة مش عارف
لو عرفت إيه بكرة
صار الأمل زائف
والله ما نا عارف
ليست هناك تعليقات:
إرسال تعليق