* بيقولوا *
...............
*بيقولوا قال إني بحبك
بيقولوا اني بدوب أنا فيك
وفضحني شوقي دا ف حبك
ورماني قدري حبيبي عليك
*والله يجازي الهوا إللي
خلى ملامح شكلي تبان
علشان بحبك وإكمني
بسرح في سيرتك والكلام
*بصعب عليهم من حالي
وفي ليل نهاري الناس شايفين
حبك واخدني في ليالي
مش عارف إني رايح علي فين
*طيفك دا ساكن ف النني
حبك دا شاغل الوجدان
وخطف لي قلبي مع إني
حالف ما أحبش من زمان
*مين خلى قلبك يندهلي
وتبص ليه بطرف عينيك
من نظرة أيوا نسيت أهلي
وإخترت إني أعيش أنا ليك
#كرم ميخائيل
ليست هناك تعليقات:
إرسال تعليق