كسرتني
كسرتني وقلبك بجرحي ارتاح
ناسي إني من سنين
مشفتش منك غير جراح
إنت فاكر نفسك مين
قلبك ظلمني وليه استباح
أعيش العمر وقلبي حزين
شكلك عقلك منك راح
فوق من غرورك المسكين
حياتي من غيرك أفراح
شفت زيك ناس كثير
ما يعرفوش معنى السماح
حبيت
آه حبيت قلبك وهواك
كنت بكل جنون عاشقاك
عشت عمري انا بستناك
قلبي كتير كتير ناداك
كان يتمنى يوم لُقاك
نسي الماضي كله معاك
وانت بدلت حناني بجفاك
وجيت فى الآخر كسرتني
شكراً
شكراً على رد فعلك
من كل قلبي كرهتك
وكرهت يوم ما عرفتك
إنجرحت قوي من قلبك
فاكر جنتي ف قربك
النار جنه بعيد عنك
أموت لو أعيش جنبك
جراح قلبي من غدرك
شكراً
شكراً يا أعز أحبابي
ليه تكسرني وارضىٰ عذابي
ضيعت على حبك شبابي
وقلبك هجرني
بُكرىَ قلبي ياخد تاره
وِيِطَفْيِ ب نارك ناره
ما تجيش تقول ماله
ليه ظلمني
مسير الزمن يدور
وييجي عليك الدور
تشكي وتقول مظلوم
حبيبي سابني
لو كنت الأخير في الدنيا
مش هفكر فيك ثانيه
ظلمك كان قاسي عليا
وحزني كسرني
*** بقلمي
منتصر عبد رب النبي ***
ليست هناك تعليقات:
إرسال تعليق