بأى حال جئت يا عيد
لا تقوللى عيد ولا عيدية
ولا بِدّى اموت جوه الخيّه
ولا أثيوبى يعطّشنا
ويبيع لنا كل الميّة
...
لابدى عيد ولا عيدية
أنا بدى أروح الجهادية
وروحى أبذلها لوطنى
وتكون فدا لقطرة مية
...
لابدى عيد ولا عيدية
وكفاية دمعتي فى عنيّا
والقلب موجوع من حزنه
على قتل طفل مع بُنَيّة
...
قالولنا العيد له فرحة
وأنا كل ساعة أسمع صرخة
وأشوف شباب جوه الأقصى
مقتولة بإيدين يهودية
...
لا تقوللى عيد ولا عيدية
والقدس خدها الحرامية
وبعض عربانّا الخاينين
يبغوها تبقى اسرائيلية
...
لا بدى عيد ولا عيدية
ولا شفقة من ناس مؤذية
ساكتين على ضرب الأقصى
علشان جيناتهم يهودية
...
لا تقوللى عيد ولا عيدية
ودمعي محبوس بعنيّا
لما أشوف أقصانا يضرب
وسكوت غريب م الخليجيّة
...
إمتى يا عرب نصحى م النوم
ونِلِمّ شملنا تانى ونقوم
نطيع أوامر خالق الكون
ومجدي تاني يرجع ليّا
***
رفعت محفوظ
ليست هناك تعليقات:
إرسال تعليق