"الحب وسنينه"
-------------------
نصحوني كتير وقالولي
ابعد عن الشر.. وغنيلُه
ويوم ماقربت من الحب
عرفت إنه الشر بعينه
حبيت ياناس وعشقت غزال
كأن عمري.. مشفتش غيره
وجريت وراه زي المجنون
مربوط بحبل مابيني وبينه
واسهر ليالي بافكر فيه
واتمنى ألمح ضي عيونه
وطول نهاري أحوم حواليه
يمكن يحن أو اسمع صوته
عرضت قلبي وحبي عليه
رفضني.. وجرحني غروره
حسيت بقلبي كأنه غريق
َومفيش إبدين عاوزة تشيلُه
خلاص ندمت وفوقت ياناس
هابعد عن الحب واغنيلُه
وبأعلى صوت أصرخ وأقول
يقطع الحب على سنينه
---------------------------------
بقلمي: م/ محمود الحريري
من ديواني "إبتدا بحبك صباحي"
ليست هناك تعليقات:
إرسال تعليق