كل عام وانتم بخير
2021وداعا
دنيا
هيا دنيا بتجري بينا تاكل الأيام معاها
كل يوم يمر بينا بيقربنا لمنتهاها
ساعةتلاقيها حضن دافي لما يكون ربك هداها
وتلاقيها فيها الدوا شافي في أرضها وف سماها
وساعة تانية تجري منها وتتقي شر أذاها
وتدعي ربك من كل قلبك ينجيك من قضاها
أشكر الرحمن وأصبر ع إللي ييجي من بلاها
لما ربك يرضى عنك يعطيك كتير من بهاها
هيا ماشية مش بأيدنا لكن بأيد إللي بناها
هيا دنيا م التدني إنت فيها للأرض رايح
وإنت فيها في سفينة في بحر موجه عالي سابح
كل شئ مكتوب بأمره مهما تسعى أو تروح
صفي نفسك أنسى حقدك عامل الناس بوضوح
أسعى فى
الدنيا وثابر واملا قلبك بالطموح
على قدر جهدك تلقى ربك يمنحك م الخير كتير
ربك عالم بكل شئ سواء صغير أو كبير
حب بلدك حب أهلك حب كل المخلوقات
لو بقلوبنا نحب بعض تتحل كل المشكلات
كل عام وانتم بخير
وهبه البوهي
ليست هناك تعليقات:
إرسال تعليق