حلم في القلب
ما تمسك فيا بالجامد. وقول عمرك ما هاتسيبني
وتبت بين إيديك إيدي في أنغام ورد دوبني
وخرجنا من العتمة
وليل حرقتها وصداها
ومهما أنا شفت م الدنيا هاروح وياك وهانساها
هنبدأ دنيا وجديدة
تكون حاجة تانية وسعيدة. !
هانكتب فيها بإدينا وهانلون وأول سطر !!
ونوصف فيه حياة وجمالها قوته موج وعالي في بحر
كبير وبعيدة شطآنه.
معاني الحب عنوانه
وهانعيش فيه ونتواعد ونعشق ريحته ومكانه
يا حلم هواه في إحساسي
هاشوفك تاج علي راسي
ونور فاق الدهب والماس
لٓمٓحته من بقية الناس ...
هانبني انا وإنت جنتنا. يكون الحب ليها أساس
وتعلا بطوبة علي طوبة
حنان مع لمسة طيوبة
حياتنا تكون نجوم أفراح ونفرح بالهنا ونرتاح. ..!!
يا حلم وشوفتك إوعدني
تشبك إيدي ما تسيبني ؟!!!!
وتمسك فيا بالجامد
أسماء عبد الله
ليست هناك تعليقات:
إرسال تعليق