بنستناك على الدوام
......................
بالفرح والابتسام أهلآ بك يا عام
إحنا بنستناك على الدوام
بالخير والحب تهل علينا
تلاقينا مدين إيدينا بالسلام
تعالى قوام زاد الحنين
بلهفة عشق وشوق المحبين
شوف بقلنا قد إيه مستنين
لك مشتقين على الدوام
أهلا ومرحبا بك يا عام
بس إحنا لينا عليك عتاب
إيه أخرك عنا وإيه الأسباب
سيبتنا ليه سنين نستنى
بعادك كان سنينه عذاب
تعالى بقى عوضنا الحرمان
إسقينا من نبعك حنان
داوينا من جرح الزمان
لك بنشتاق على الدوام
أهلا ومرحبا بك يا عام
هات معاك حاجات كتير
إزرع في قلوبنا الخير
يطرح جوانا بساتين وجناين
مرفرف بسمانا زي الطير
الضحكة حضناها الشفايف
الفرحة بتطمن إللي خايف
إللي غاب ومكنش عارف
صبح شايف جنة مالأحلام
وأحنا بنقولك على الدوام
أهلا ومرحبا بك يا عام
.....
بقلم.الشاعر
الأمير_محمود
ليست هناك تعليقات:
إرسال تعليق